2009年的最後一次旅行//2010.01.04

今年的x'mas 跟媽咪2個人飛左去... 掉低哥哥一個人o係屋企...
仲好la~ 佢自己一個人罷唒成間屋!!

突然這個旅行做就了我好多的第一次..
實在太過新鮮了!!
再遲一點不記下來都忘記了~

第一次10天內搭6次飛機..
第一次參加本地團..
第一次用英文鬧人..但自己唔記得自己講過d 咩...(當然唔知對方聽唔聽得明!)
第一次俾人掉低o係個爛鬼巴士站成個幾鐘..
第一次有人拎著個寫著自己個名既牌接自己機...
第一次拎行李去旅行會咁重....39.3kg 回來時..係超磅...42.3kg
第一次扮勁話要o係講英文既地方自由行...(其實自己唔識英文. 無諗過對方聽唔聽得明自己d英文..)
第一次俾人話係日本人...
第一次搭咁耐飛機..成10個鐘
第一次o係機場等成9個鐘.. 好似人地睏街咁...
第一次完全唔怕醜,不斷問人地拎蕃茄汁飲...
(只因為亞媽唔識聽英文,講到幾爛...隔離個個都唔會笑...)
第一次同舅父講咁多野..仲有舅母同埋2個可愛表妹.. (你地真係好得意..)
第一次發現..早於1989年..我已經對鏡頭咁有觸覺,識一見到鏡頭即刻笑...
(在舅父家播放公公80大壽的片段)
第一次洗eur..
第一次食個咁貴既熱狗餐
第一次買咁少手信..(個d 到野.. 全部香港都有..)
第一次去探親...(連返大陸探親都未試過!)
第一次坐定定幾個鐘..不斷看電影..看到人地講阿拉伯話都看埋..
第一次聽漫遊電話..但對方話..只係試下打黎...
第一次去到外國搭咁多公共交通工具...

暫時..只係記得咁多... 唉~~x'mas 遊記..有排寫..自己都唔記得自己去過邊.. = o =